कोरोची (कोल्हापूर) : कोरोची येथील वीर सेवा दल व कोल्हापुरातील कायझन रोबोटिक अॅकॅडमी यांच्या वतीने घेण्यात आलेल्या रोबोटिक कार्यशाळेचा समारोप समारंभ ११ जून रोजी पार पडला. समारोप समारंभाला सांगलीचे बाबासाहेब कुचनुरे, आयटीआय कॉलेजचे प्रा. सुदर्शन पाटील, वीर सेवा दल मध्यवर्ती समितीचे सदस्य नेमिनाथ चौगुले, वीर सेवा दल कोल्हापूर जिल्हा समितीचे जिल्हा संघटक अरुण भबीर यांची प्रमुख उपस्थिती होती.
कार्यशाळेला विद्यार्थ्यांचा भरघोस प्रतिसाद लाभला होता. समारोप समारंभाच्या वेळी बक्षीस व प्रमाणपत्र वितरण सोहळादेखील पार पडला.
